přednoški w forumje:

Ewaluacija koncepta 2plus – perspektiwy naprašowanych
prof. Jonas Flöter | Uniwersita Lipsk *

Naprašowanja k šulskim ramikowym wuměnjenjam za zwoprawdźenje koncepta 2plus su druhi stołp ewaluacije koncepta. K tomu su so pola šulerkow a šulerjow, wučerkow a wučerjow, staršich, šulskich koordinatorkow a koordinatorow, šulskich wjednicow a wjednikow, fachowych poradźowarkow a poradźowarjow kaž tež sobudźěłaćerkow a sobudźěłaćerjow LaSuB naprašowali.
W prezentaciji so wuslědki naprašowanjow předstaja a zjimajo rozłoža.

Wuslědki zwěsćenja rěčneho stawa w serbšćinje na 2plus-šulach
dr. Jana Šołćina | Serbski institut

Ewaluacija koncepta 2plus zapřija zwěsćenje rěčneho stawa we 8. lětniku. Zwěsćił je so rěčny staw šulerkow a šulerjow 8. lětnika w serbšćinje. W přednošku so wuslědki předstaja a interpretuja.

dźěłarnički

referenća 

Ewaluacija koncepta „2plus“ – perspektiwy šulskich wjednistwow

W dźěłarničce staja so wubrane perspektiwy a temy w zwisku z konceptom 2plus do srjedźišća (na př. nałožowanje rěče, kultura, konferency).

prof. dr. Jonas Flöter
profesor na Lipšćanskej uniwersiće, Powšitkowna kubłanska wědomosć

Katharina Jurkowa
předsydka Serbskeho šulskeho towarstwa

Katrin Suchec-Dźisławkowa
referentka za kubłanske naležnosće Domowiny

ZARI – Syć za regionalnu identitu a serbsku rěč

ZARI skutkuje ze swojimi sobudźěłaćerjemi we wšelakich regionach Łužicy, předewšěm w nakromnych kónčinach serbskeho sydlenskeho ruma.

Zaměr syće je, rěčnu stratu porjedźić. Wosebje serbšćinu wuknjacym matej so atraktiwita a motiwacija zwyšić, ewtl. móžne zhromadne projekty maja so iniciěrować a zwonkašulska podpěra ma so zmóžnić.

Dźěło syće so předstaji a pokazuja so móžnosće zhromadneho dźěła mjez šulemi, staršiskimi domami a ZARI.

Nimo toho rozłoža so na přikład prašenja kaž:

• Kak motiwuju šulerjow při wuknjenju a kak wobchadźam z pobrachowacej motiwaciju abo při wuknjenskich blokadach?
• Kak zawjazam staršich při wuknjenju serbšćiny a spřistupnju jim bohatstwo rěče?

Rěčny coaching za lochku serbšćinu

Hdźežkuli smy, nas serbšćina a němčina wobdawa, byrnjež w rozdźělnej měrje. Struktury wšudźe přitomneje němčiny so tež na naše myslenje wuskutkuja, hdyž serbske teksty tworimy.

W dźěłarničce chcemy sej rěčne srědki serbšćiny wuwědomić, z kotrymiž docpějemy:

• zo serbowanje za rěčaceho/pisaceho njeje wobćežne
• zo adresat serbski tekst lochce zrozumi a
• zo mataj wobaj wjeselo a dobre začuće z toho.

Zaběrać budźemy so tež z přikładami za praksu Wašeho wšědneho dźěła.

Wulki swět započina so před swójskimi durjemi
W swojej wokolinje zwonka šule wuknyć - projekt SŠT z. t. za praksu

W dźěłarničce předstaji so projekt wosebitych pućowanskich turow, kotryž ma wučerjam podpěra při planowanju swojich pućowanskich dnjow a ekskursijow być. Pućowanske šćežki wotkrywaja serbski sydlenski rum.
Zhoniće,

• kak natwarimy sej digitalnu zběrku pućowanskich turow, z kubłanskim a kulturnym pozadkom,
• w kotrej formje móžemy slědźerske a stawizniske projekty šulerjow podpěrać,
• kak profituje projekt wot najwšelakorišich sobuskutkowacych: wučerjow, chronistow, serbskich swójbow a pućowacych, wuměnkarjow.

Přihoty na wučbu wolóžić a wuměnić – Canva | Affinity | TaskCards

Canva jako grat za jednore a spěšne wuhotowanje dźěłowych łopjenow – bjez wobšěrnych znajomosćow, za to z profesionelnym wuhotowanjom (za wučerjow darmotne). Na jednorym přikładźe pokaza so princip nałožowanja, štóž chce sobu činić, móže sej tu hižo raz darmotnu licencu za Canva wobstarać.
Jednore wobdźěłanje PDF-kow w zwisku z Affinity (za wučerjow darmotne) a sotra.app jako dalšej grataj za zhotowjenje dźěłowych materialijow.
A TaskCards jako online-platforma, kotraž móže wučerjam dźěło jara wolóžić, kotraž zhromadne dźěło na digitalnych pinsćěnach zmóžnja a teamam wuměnu informacijow wolóža.

dr. Beata Brězanowa
nawodnica Rěčneho centruma WITAJ

Tomaš Šołta
wěcywobdźěłar za rěčny marketing a IT-management w Rěcnym centrumje WITAJ

Krabat – e-learningowy modul

e-learningowe module Swobodneho stata Sakskeje su specielnje na sakski wučbny plan přiměrjene. Wone skića interaktiwne wuknjenske wobsahi za rozdźělne šulske družiny, lětniki a předmjety.

Juliana Rječkec
wučerka na Serbskim gymnaziju Budyšin za předmjetaj serbšćina a biologija

Mój serbski kompjuter, laptop, tablet

Kóždy kónčny nastroj móže dźensa serbsce. Tola kak móžu wšitke funkcije nastajić a kotre dawaja?

Předstaja so nałožowanja kaž přełožowanska pomoc, online-słowniki abo prawopisne korektury. Nimo toho je móžno, sej najwjace nałožowanskich programow za serbsku rěč nastajić.

KI-podpěrane planowanje wučby

„Hra ze šwabličkami“ – BNE konkretnje

Tina Simon
referentka w LaSuB Radebeul

Serbska dźěćaca a młodźinska literatura w šuli

W tutej dźěłarničce zmóžni so dohlad do aktualneje serbskeje a serbskorěčneje literatury za dźěći a młodostnych. Předstaja so wubrane knihi, kotrež móhli so wučbu přewodźejo a wudospołnjejo wužiwać.

Nimo toho ma nastać wuměna mjez wučerjemi a nakładnistwom, zo by so wo tym diskutowało, kajka je na šulach potrjeba modernych serbskich knihow kaž tež wudospołnjaceho materiala za dźěći a młodostnych.

Syman Pětr Cyž
jednaćel Ludoweho nakładnistwa Domowina

Knižna křinja za čušlenje – rěč je dožiwjenje

Rozłoži so koncept knižneje křinje, kotraž móže so pola SŠT wupožčić. Na zakładźe knihi „Mała wjera“ Otfrieda Preußlera a dalšich knihow wo kuzłanju so předstaji, kak hodźa so dźěći z pomocu wšelakich wuknjenskich wobłukow k rěčenju a (před)čitanju pohnuwać.

Dźěłarnička pokaza praktiske přikłady, kak móže so material wužiwać.

Hanka Wowčerjowa
projektowa sobudźěłaćerka Serbskeho šulskeho towarstwa z.t.

Serbskorěčne wučbnicy a wučbne materialije