Program - 7. fachowy dźeń 2plus - 26. oktobra 2024
Cyłodnjowske zarjadowanje we wjacezaměrowej hali „Jednota“ w Chrósćicach
Naš program
09:00 hodź. | přijězd | přijeće moderacija: Beno Bělk |
|
---|---|---|
09.30 hodź. | witanje* Kerstin Wittig | Sakske statne ministerstwo za kultus |
|
9.45 – 10.30 hodź. |
přednoški w forumje: Naprašowanja k šulskim ramikowym wuměnjenjam za zwoprawdźenje koncepta 2plus su druhi stołp ewaluacije koncepta. K tomu su so pola šulerkow a šulerjow, wučerkow a wučerjow, staršich, šulskich koordinatorkow a koordinatorow, šulskich wjednicow a wjednikow, fachowych poradźowarkow a poradźowarjow kaž tež sobudźěłaćerkow a sobudźěłaćerjow LaSuB naprašowali. |
|
10.30 – 11.15 hodź. |
Wuslědki zwěsćenja rěčneho stawa w serbšćinje na 2plus-šulach Ewaluacija koncepta 2plus zapřija zwěsćenje rěčneho stawa we 8. lětniku. Zwěsćił je so rěčny staw šulerkow a šulerjow 8. lětnika w serbšćinje. W přednošku so wuslědki předstaja a interpretuja. |
|
11.15 – 11.45 hodź. | diskusija wo wuslědkach ewaluacije | |
11.45 – 12.30 hodź. | připołdniša přestawka a přihot dźěłarničkow | |
12.30 – 14.30 hodź. |
dźěłarnički |
|
14.30 – 15.00 hodź. | wuhódnoćenje fachoweho dnja (digitalnje w handyju) a rozžohnowanje |
přinošk |
referenća |
---|---|
Ewaluacija koncepta „2plus“ – perspektiwy šulskich wjednistwow W dźěłarničce staja so wubrane perspektiwy a temy w zwisku z konceptom 2plus do srjedźišća (na př. nałožowanje rěče, kultura, konferency). Přizamknje so diskusija a wuměna nazhonjenjow, zo bychu so synergije mjez šulemi a šulskimi typami wužiwali a wuslědki ewaluacije rozjimali. |
prof. dr. Jonas Flöter Katharina Jurkowa Katrin Suchec-Dźisławkowa |
ZARI – Syć za regionalnu identitu a serbsku rěč ZARI skutkuje ze swojimi sobudźěłaćerjemi we wšelakich regionach Łužicy, předewšěm w nakromnych kónčinach serbskeho sydlenskeho ruma. Zaměr syće je, rěčnu stratu porjedźić. Wosebje serbšćinu wuknjacym matej so atraktiwita a motiwacija zwyšić, ewtl. móžne zhromadne projekty maja so iniciěrować a zwonkašulska podpěra ma so zmóžnić. Dźěło syće so předstaji a pokazuja so móžnosće zhromadneho dźěła mjez šulemi, staršiskimi domami a ZARI. Nimo toho rozłoža so na přikład prašenja kaž:
|
Julian Nyča nawoda rěčneho kubłanja w projekće ZARI |
Rěčny coaching za lochku serbšćinu Hdźežkuli smy, nas serbšćina a němčina wobdawa, byrnjež w rozdźělnej měrje. Struktury wšudźe přitomneje němčiny so tež na naše myslenje wuskutkuja, hdyž serbske teksty tworimy. W dźěłarničce chcemy sej rěčne srědki serbšćiny wuwědomić, z kotrymiž docpějemy:
Zaběrać budźemy so tež z přikładami za praksu Wašeho wšědneho dźěła. |
Božena Braumanowa rěčna mentorka a přełožowarka, studio LUCIJA |
Wulki swět započina so před swójskimi durjemi W dźěłarničce předstaji so projekt wosebitych pućowanskich turow, kotryž ma wučerjam podpěra při planowanju swojich pućowanskich dnjow a ekskursijow być. Pućowanske šćežki wotkrywaja serbski sydlenski rum.
|
Hanka Šěnec referentka Serbskeho šulskeho towarstwa a zamołwita za rěčne projekty |
Přihoty na wučbu wolóžić a wuměnić – Canva | Affinity | TaskCards Canva jako grat za jednore a spěšne wuhotowanje dźěłowych łopjenow – bjez wobšěrnych znajomosćow, za to z profesionelnym wuhotowanjom (za wučerjow darmotne). Na jednorym přikładźe pokaza so princip nałožowanja, štóž chce sobu činić, móže sej tu hižo raz darmotnu licencu za Canva wobstarać. |
dr. Beata Brězanowa Tomaš Šołta docent za kursy serbšćiny w Rěčnym centrumje WITAJ |
Krabat – e-learningowy modul e-learningowe module Swobodneho stata Sakskeje su specielnje na sakski wučbny plan přiměrjene. Wone skića interaktiwne wuknjenske wobsahi za rozdźělne šulske družiny, lětniki a předmjety. Předstaji a wupruwuje so e-learningowy modul Krabat, kotryž bu po přikładźe wučbneho plana za předmjet serbšćina na wyšich šulach a gymnazijach w Sakskej koncipowany. |
Juliana Rječkec |
Mój serbski kompjuter, laptop, tablet Kóždy kónčny nastroj móže dźensa serbsce. Tola kak móžu wšitke funkcije nastajić a kotre dawaja? Předstaja so nałožowanja kaž přełožowanska pomoc, online-słowniki abo prawopisne korektury. Nimo toho je móžno, sej najwjace nałožowanskich programow za serbsku rěč nastajić. Wobdźělnicy měli swójske nastroje sobu přinjesć, zo bychu ze serbsko-rěčnym abo serbsce rěčacym nastrojom domoj šli. |
Michał Cyž projektowy koordinator studijowa produkcija, medijowy pedagoga w Projektowej towaršnosći LUCIJA |
KI-podpěrane planowanje wučby We wideju so pokaza, kak hodźi so přez KI podpěrane planowanje wučby přewjesć. Po tym móža wobdźělnicy prěnje swójske hodźiny planować, zo bychu so z gratom zeznajomili. |
Jan Breindl studijowa produkcija, medijowy pedagoga w Projektowej towaršnosći LUCIJA |
„Hra ze šwabličkami“ – BNE konkretnje Předstaji a wupruwuje so wučbny přikład, z kotrymž móža šulerjo a šulerki kónčnosć rostlinskeje surowizny při nadwužiwanju nazhonić. Woni zalězu do róle třoch namrěwcow lěsa. We wšelakich kołach wuknu šulerjo a šulerki, kak móhli zhromadnje dźěłać, zo bychu trajne wobhospodarjenje pod konkurencnymi wuměnjenjemi zmóžnili. |
Tina Simon |
Serbska dźěćaca a młodźinska literatura w šuli W tutej dźěłarničce zmóžni so dohlad do aktualneje serbskeje a serbskorěčneje literatury za dźěći a młodostnych. Předstaja so wubrane knihi, kotrež móhli so wučbu přewodźejo a wudospołnjejo wužiwać. Nimo toho ma nastać wuměna mjez wučerjemi a nakładnistwom, zo by so wo tym diskutowało, kajka je na šulach potrjeba modernych serbskich knihow kaž tež wudospołnjaceho materiala za dźěći a młodostnych. |
Syman Pětr Cyž lektorka w Ludowym nakładnistwje Domowina |
Knižna křinja za čušlenje – rěč je dožiwjenje Rozłoži so koncept knižneje křinje, kotraž móže so pola SŠT wupožčić. Na zakładźe knihi „Mała wjera“ Otfrieda Preußlera a dalšich knihow wo kuzłanju so předstaji, kak hodźa so dźěći z pomocu wšelakich wuknjenskich wobłukow k rěčenju a (před)čitanju pohnuwać. Dźěłarnička pokaza praktiske přikłady, kak móže so material wužiwać. |
Hanka Wowčerjowa |
Serbskorěčne wučbnicy a wučbne materialije W běhu cyłeho fachoweho dnja prezentuje Rěčny centrum WITAJ serbskorěčne wučbnicy a wučbne materialije k přehladanju. Wosebje nowy material a material za druhe šulske typy móža sej wučerki a wučerjo wotkrywać a so k tomu poradźować dać. |
Annett Dźědźikowa wotrjadnica lektorata za pedagogisku literaturu w Rěčnym centrumje WITAJ. |
Kontakt
Fachowy dźeń 2plus je zarjadowanje Sakskeho statneho ministerstwa za kultus a Krajneho zarjada za šulu a kubłanje w kooperaciji z Rěčnym centrumom WITAJ Budyšin.
Při prašenjach wobroćće so prošu na Annette Natusch (telefon 03591 621 215, e-mail Annette.Natusch@lasub.smk.sachsen.de)
Přizjewjenje
Přizjewjenje wučerkow a wučerjow na Fachowy dźeń 2plus 2024 stanje so centralnje přez šulske wjednistwa pola Sylwije Šěnowěje w Krajnym zarjedźe za šulu a kubłanje. Fachowy dźeń so za wučerki a wučerjow jako słužbne zarjadowanje z přewažnje dalekubłacym wobsahom připóznawa. Pisomna próstwa wo słužbnu jězbu ma so stajić.
Wobdźělnicy, kotřiž njesteja w žanym słužbnym poměrje ze Swobodnym statom Sakska, přizjewja so prošu přez e-mejlku hač do 04.10.2024 direktnje pola Sylwije Šěnowěje (Sylvia.Schoen@lasub.smk.sachsen.de). Za nich njeje zarunanje kóštow přez Krajny zarjad za šulu a kubłanje móžne.
Wobrazowe a filmowe nahrawanja
Na zarjadowanju so za zjawnu a wabjensku potrjebu filmuje a fotografuje. Štóž nochce, zo so dokumenty wozjewjeja, na kotrychž je wosobinsce spóznajomny, njech to prošu pola zarjadowarja w předpolu přizjewi pod: Annette.Natusch@lasub.smk.sachsen.de abo to na městnje Annette Natusch wosobinsce zdźěli.
* Tute programowe dypki su němske- abo dwurěčne. Nadrobniše informacije k referentam, přednoškam a dźěłarničkam kaž tež móžne změny programa podadźa so pod www.forum2plus a w dalšich wozjewjenjach k fachowemu dnjej.