Image

8. fachowy dźeń 2plus - 25. oktobra 2025
Cyłodnjowske zarjadowanje we wjacezaměrowej hali „Jednota“ w Chrósćicach

Dotalny fachowy dźeń stanje so z wotewrjenym forumom za naše šule z wučbu po koncepće 2plus. Zhromadnje z Wami chcemy nowe perspektiwy za naše šule jako stajny proces wuwiwać a za móžnosćemi pytać, wšědne dźěło wolóžeć a polěpšeć. Forum je městno za najwšelakoriše měnjenja a je žiwy z wuměny a wobdźělenja.

Naš program

pjatk, 24.10.2025

19.30 hodź.

Antidemokratiske struktury spóznać a zrozumić  
Christian Schäfer, kulturny běrow Sakska

Christian Schäfer poda přehlad wo antidemokratiskich strukturach a pokaza na jich identifikaciske znamješka kaž tež mechanizmy skutkowanja – wosebje w regionalnym konteksće Łužicy. W fokusu steja aktualne wuwića prawicarskeho ekstremizma a jich wliw na diskurse wšědneho dnja. 

sobota, 25.10.2025

wot 08:30 hodź.

přijězd | přijeće

09.00 hodź.

witanje
Mathias Peter | Krajny Zarjad za šulu a kubłanje, nawoda Budyskeje wotnožki

9.30 – 11.30 hodź.

1. faza dźěłarničkow
Poskića so dohromady 13 dźěłarničkow. Přehlad poskitkow nańdźeće pod tabulku.

11.30 – 12.30 hodź.

připołdniša přestawka z wobjedom

12.30 – 14.30 hodź.

2. faza dźěłarničkow
Poskića so dohromady 13 dźěłarničkow. Přehlad poskitkow nańdźeće pod tabulku.

14.45 – 15.15 hodź.

zakónčacy přednošk
Zhromadne rěčne planowanje je bytostne – akciski plan ZARI jako wuchadźišćo
Julian Nyča | wědomostny sobudźěłaćer za rěčne resursy
Diana Pawlikowa | projektowa managerka

Kak wažnej stej rěčne planowanje a aktiwna rěčna politika, wo tym swědča nazhonjenja druhich europskich mjeńšin. Při tym je runje tak wažne, noworěčnikow zdobyć kaž tež dwurěčnu normalitu wutworjeć. Što to w serbskim konteksće woznamjenja a kak tajke zhromadne rěčne planowanje fungować móže, to chcemy Wam w tutym přednošku rozłožić.  Zdobom chcemy Wam móžnosće kooperacije z projektom ZARI – syće za serbsku rěč a regionalnu identitu, předstajić.
přehlad dźěłarničkow a přizjewjenje
Image
Fachowy dźeń 2plus wuhotujetej Sakske statne ministerstwo za kultus a Krajny zarjad za šulu a kubłanje, wotnožka Budyšin, w kooperaciji z Rěčnym centrumom WITAJ.