Wot šulskeho lěta 2019/2020 so na Serbskim gymnaziju Budyšin we wšelakich lětnikach někotre tematiske wobłuki w formje modulow wuwučuja. Šulerki a šulerjo zaběraja so potajkim přez wjacore dny předmjety zwjazujo z temu, přez čož so lěpši poćah k wšědnemu dnjej twori a diferencowany wid na wučbne wobsahi zmóžnja. Připódla so wšelake metody nałožuja a kompetency na socialnym polu kaž tež při samoorganizowanym wuknjenju so spěchuja.

Wučerka za biologiju a serbšćinu na Serbskim gymnaziju Budyšin a fachowa poradźowarka serbšćiny.

Wučer za biologiju a serbšćinu na Serbskim gymnaziju Budyšin.

Naša šula přewjeduje tradicionalnje mjeztym 20 lět kóžde druhe lěto swjedźeń serbskeje rěče. Zaměr swjedźenja je, zo wšitke dźěći na tutym wosebitym dnju na mnohotne wašnje serbsku rěč nałožuja a so ze serbskimi spěwami a rejemi zaběraja. Dokelž naše dźěći zwjetša jenož w šuli ze serbskej rěču do kontakta přińdu, zapřijamy bliske serbske towarstwa. Tak chcemy zajim na tutych towarstwach budźić a towarstwa móža so prezentować.

Wučerka a šulska koordinatorka 2plus na Zakładnej šuli „Dr. Marja Grólmusec“ Slepo.

Naša zakładna šula spěchuje aktiwnje pohibowanje šulerkow a šulerjow. We wobłuku certifikacije jako „Pohibowanska šula“ smy pohibowanske karty za wjace pohibowanja w přestawkach wuwili. Petra Rübesamowa předstaji k tomu material, kotryž bu we wobłuku „Pohibowanskeje zakładneje šule“ wuwity.

Šulska nawodnica Zakładneje šule "Dr. Marja Grólmusec" Slepo.

Wučba serbšćiny nic w rjadowniskim cyłku – to je znamjo jónkrótnosće na Wyšej šuli „Korla Awgust Kocor“ w Kulowje. Wot něhdźe 300 šulerkow a šulerjow wobdźěli so něhdźe 50 (rozdźělene na wšitke lětniki) na wučbje serbšćiny. Tole woznamjenja wužadanje za planowanje, za wučerki a wučerjow w koncepće 2plus ale tež za wobdźělene šulerki a wobdźělenych šulerjow.

Motiwacija a kreatiwne ideje su trěbne, zo bychu so šulerki a šulerjo za wučbu w nakromnych hodźinach zahorjeli a hač k zakónčenju wjedli. Namakanje identity a skrućenje identity stej za wobdźělene šulerki a wobdźělenych šulerjow na koncepće 2plus při tym njeparujomnej, wšako móže so kolegialna wuměna na zakładźe wobstejaceho wobłuka jenož zdźěla wotměć.

Tak maja so zwonkašulske wuknjenske městna jako žiwe wudospołnjenje serbskeje wučby zrozumić. Wone dadźa šulerki a šulerjow w srjedźišću stać, skrućeja serbske wědomje a maja identitu posrědkujo skutkować. Tež dopóznaće, zo nałožuje so serbska rěč we wšědnym dnju, je za tute šulerstwo husto powučne dopóznaće. Nawuknjenje serbskeje rěče so jako wosobinske wobohaćenje začuwa.

Wona skutkuje wot šulskeho lěta 2017/2018 jako wučerka na Wyšej šuli „Korla Awgust Kocor“ w Kulowje. Wona podawa předmjety serbšćina, TC a WTH a je wot šulskeho lěta 2022/2023 tež rjadowniska wučerka 5., přichodnje 6. lětnika. We wobłuku wukubłanja přidružnikow je powołanje přewodźacy studij we WTH absolwowała a wuspěšnje zakónčiła.

Wučerka na Zakładnej šuli

Taskcards.de je online-platforma, kotraž móže wučerkam a wučerjam dźěło jara wolóžić, wona zmóžnja zhromadne dźěło na digitalnych pinsćěnach a podpěra wuměnu informacijow w teamach. Hižo dołho přeja sej serbske wučerki a serbscy wučerjo platformu, na kotrejž móža sej přihoty na wučbu wzajomnje k dispoziciji stajeć a dale wobdźěłać.
Skupina wučerkow a wučerjow zakładneje šule je nětko iniciatiwu přewzała a hižo někotre materialije na prěnjej pinsćěnje za předmjet serbšćinu přewostajiła.
Licenca Rěčneho centruma WITAJ skića wšitkim serbskim wučerkam a wučerjam móžnosć, pinsćěny za dalše předmjety a lětniki wužiwać.
Kak móža nowe skupiny při tym hromadźe dźěłać, rozjimuje so na fachowym dnju 2plus.

Je wot lěta 2006 wotrjadnica lektorata za pedagogisku literaturu w Rěčnym centrumje WITAJ. Praktiske nazhonjenja nazběra jako wučerka w zakładnymaj šulomaj Radwor a Rakecy, po tym jako lektorka za pedagogisku literaturu. Wjele lět skutkuje aktiwnje jako awtorka při wuwiwanju wučbnych materialijow.

Je wot lěta 2009 nawodnica Rěčneho centruma WITAJ. Do toho skutkowaše jako swobodna wučerka na fachowych šulach za socialnistwo a wuwučowaše psychologiju, sociologiju, pedagogiku a komunikaciju. W rěčnym centrumje koncentruje so wona na procesy digitalizacije a wědomostny diskurs k wuwučowanju a wuknjenju.

Přesadźenje a akceptanca koncepta 2plus žada sej wot wšitkich wobdźělenych zrozumjenje a fachowsku kompetencu. Přez jasne wupokazanje zaměrow k přesadźenju koncepta a přez transparencu postupowanja móža so kontrowersy wobeńć a dobra baza k rjadowanju serbskeje wučby, dwurěčneje komunikacije a rěčneho dalewuwića móže so wutworić. Jasne pomjenowanje zaměra w šulskim programje zmóžni wotewrjeny diskurs a skutkowne přesadźenje koncepta, přiměrjene na indiwidualne wobstejnosće wotpowědneje serbskeje šule.

Wjednica Serbskeje wyšeje šule „Michał Hórnik“ Worklecy.

Wučer za serbšćinu a sport na Serbskej wyšej šuli „Michał Hórnik“ Worklecy. Wot 2021 je wón koordinator koncepta 2plus na šuli.

„Njemóžemy našemu dźěsću doma při wuknjenju serbšćiny pomhać. Wurjekowanje je jara ćežke. Njeje nichtó w našej swójbje, kiž móže pomhać. Smy přežadani. To njemóžeće nam a našemu dźěsću načinić.“ Kak móže to tola hić, pokazamy na někotrych přikładach z praksy. Analogny digitalny słuchopisak je wšědny wuknjenski pomocnik znutřka a zwonka kubłanišća. Ludwig Eckert a Marcel Rjelka pokazataj w dźěłarničce Slepjansku ideju.

Je wukubłany wučer za gymnazij za předmjetaj serbšćinu a čěšćinu. Wón je na wyšej šuli w Slepom hižo serbsku 2plus-rjadownju wuspěšnje k zakónčenju wjedł. Dale je wón na Slepjanskim kubłanišću koordinator 2plus. Ludwig Eckert wuwučuje w předmjetach serbšćina, stawizny a wot šulskeho lěta 2023/2024 tež w předmjeće čěšćina.

Wukubłany wučer wyšeje šule za předmjetaj towaršnowěda a geografija. Tež wón je na wyšej šuli w Slepom hižo serbsku 2plus-rjadownju wuspěšnje k zakónčenju wjedł. Marcel Rjelka wuwučuje w Slepom w horjeka mjenowanymaj předmjetomaj a w předmjetach serbšćina, stawizny a sport.

Šulske wuwiće kóždeje šulerki a kóždeho šulerja ma zaměr, fundament za dalši žiwjenski puć tworić. Hač wukubłanje, fachowa matura abo pozdźiši studij, puće k powołanju su mnohostronske. Eksistuje šansa na powołanje w bliskosći resp. w dwurěčnej domiznje? Regionalne powołanske wiki Ralbičanskeje šule maja šulerkam a šulerjam runje tute perspektiwy wuwědomić. W dźěłarničce prezentujemoj zajimowanym wobsahi dwurěčnych powołanskich wikow, zaměry a wotběhi. Zdobom předstajimoj zhromadne dźěło z wobdźělenymi a wuslědki ewaluacije.

Wučer na Serbskej wyšej šuli Ralbicy. Wón wuwučuje w předmjetomaj towaršnowěda a zemjepis.

Je wučer a 2plus-koordinator na Serbskej wyšej šuli Ralbicy. Wón wuwučuje w předmjetomaj biologija a serbšćina.

W dźěłarničce so interny dźenik Serbskeje wyšeje šule Radwor předstaji. Wón słuži jako najwažniši komunikaciski srědk mjez šulu a staršimi. Nimo toho wobsahuje wšitko, štož šulerki a šulerjo za wšědny dźeń trjebaja.

Skutkuje wot šulskeho lěta 2017/2018 jako wučerka za serbšćinu, rušćinu a jendźelšćinu na Serbskej wyšej šuli w Radworju. Wona je šulska koordinatorka 2plus a koordinuje nimo toho wuwiće nadawkow za olympiadu serbskeje rěče.

Mapa zeznawanskeje dźěłarnički je myslena za dźěło ze šulskimi nowačkami w prěnimaj tydźenjomaj wučby. W tutym času stwori sej wučerka abo wučer přehlad wo kmanosćach šulerkow a šulerjow. Mapa skići wulki wuběr dźěłowych łopjenow a dźěłowych idejow, kotrež wučerjej wolóža, indiwidualnje a diferencowane ze šulerjom dźěłać.

Je wot 1997 w šulskej słužbje a skutkuje jako wučerka zakładneje šule kaž tež koordinatorka 2plus na Serbskej zakładnej šuli Ralbicy. Wona wuwučuje w předmjetach serbšćina, němčina, wěcna wučba, matematika a hudźba. Zhromadnje z dalšej wučerku nawjeduje wona kulturnu skupinu šule.

Zdźěłanje STOP-motion-wideja jako wujasnjowanski film za słowne družiny a k wuhotowanju nakupowanskeje situacije.

Šulerki a šulerjo zeznaja nowe medije w němčinje resp. wučbje serbšćiny. Woni wužiwaja stop-motion app, zo bychu swoju wědu skrućili a druhim móžnosć dali, wědu wobnowić. Při tym zeznaja sami wotběhi, z kotrymiž móža pozdźišo swójske wideja zestajeć. Referentce pokazatej přeběh k zestajenju wideja a rozłožujetej, w kotrych kročelach su při dźěle ze skupinu šulerkow a šulerjow postupowali. Při tym hraje přihot runje tak wažnu rólu kaž ewaluacija a sebjeposudźowanje.

Nawodnica Serbskeje zakładneje šule Radwor. Wona wuwučuje přewažnje w předmjetomaj jendźelšćina a serbšćina (w rěčnymaj skupinomaj 2 a 3).

Skutkuje jako přidružnica na serbskej zakładnej šuli w Radworju a je přidatnu kwalifikaciju zakónčiła. Wona je tuchwilu rjadowniska wučerka 3. lětnika, kotryž bu serbsce alfabetizowany. Wona wuwučuje přewažnje w předmjetach rěč, matematika, wuměłstwo a hudźba.

W dźěłarničce předstaji so ewaluacija w pěstowarni, kotraž so kóžde lěto wot Serbskeje zakładneje šule Worklecy přewjedźe. Ćežišća přednoška su mjez druhim hospitacije w pěstowarni, rěčne přepytowanja a materialije, kiž so při ewaluaciji wužiwaja. Pokaza so nimo toho, kak so wuslědki ewaluacije dokumentuja. Kónc prezentacije wěnuje so tematisce předšuli.

Šulska nawodnica Serbskeje zakładneje šule „Michał Hórnik“ Worklecy.

Kordinatorka 2plus a rjadowniska wučerka za přichodny 1. lětnik na Serbskej zakładnej šuli Worklecy.

Serbska zakładna šula „Jurij Chěžka“ Chrósćicy

Předstaja so wšelakore móžnosće, kak so w Kulowje, skerje němskorěčnym měsće, serbska rěč žiwa zdźeržeć a z tym tež spěchować hodźi. Při tym předstaja so wšelake wobłuki zwonka wučby kaž na přikład cyłodnjowske poskitki, kooperacija z hortom/pěstowarnju, zjawnostne dźěło/medije, šulske swjedźenje, zhromadne dźěło z eksternymi institucijemi, kiž tole wuspěšnje podpěruja.

Wučerka na Zakładnej šuli „Krabat“ Kulow a wuwučuje w předmjetach serbšćina/rěč, katolska nabožina a němčina. Wona je druhe lěto w šulskej słužbje a budźe wot šulskeho lěta 2023/24 jako koordinatorka za koncept 2plus na šuli skutkować.